影片
更多
2024-07-04
38 瀏覽
放咗工之後，同另一半就去咗依一間隱世嘅火鍋店嗰度去食晚飯，餐廳位於上環，鄰近地鐵站都相當方便，當日小編就叫咗個花膠煲雞湯嘅湯底打邊爐，未打邊爐之前，首先飲咗幾碗花膠雞湯，湯底好足料用上海量嘅花膠啦，雞件，金華火腿粒，紅棗，相當濃郁至於食材方面，都好精緻同埋性價比都好高，餐前小食就有新鮮炸魚皮同響鈴，攞到出嚟仲要係熱辣辣嘅，打邊爐之前一定要食咗先，配啲酸酸d嘅醬，食唔停口！另外打邊爐一定唔少得牛肉啦，今次我哋就叫咗頂級嘅本地手切騸牯牛，係牛頸脊嘅位置，肉味鬆化濃郁，肉質好嫩滑另外仲叫咗麵豉大根黑豚餃，水晶奶皇包，豬潤，黑牛柏葉，仲有自家製嘅牛肉丸同埋墨魚丸麵豉大根黑豚餃+水晶奶皇包：前者呢第一次食呢個餃子嘅味道，感覺好特別，後者呢其實用打邊爐嘅方式去整熟個奶皇包，相當有驚喜，好好味，奶黃超流心😋豬潤+黑牛柏葉：至於豬濶一片片都好厚身，好新鮮，牛柏葉好爽脆，一定要跟返佢哋嘅指引時間去煮，保持食物嘅爽口度剛剛好至於最後嘅自家製牛肉丸同墨魚丸，材料相當充足，牛肉丸相當彈牙同Juicy，墨魚丸裏面都食到有墨魚粒打邊爐又點少得酸梅湯，感覺好開胃，酸酸美美咁，不經不覺都食咗好多另外，值得一提嘅就係佢
至於食材方面，都好精緻同埋性價比都好高，餐前小食就有新鮮炸魚皮同響鈴，攞到出嚟仲要係熱辣辣嘅，打邊爐之前一定要食咗先，配啲酸酸d嘅醬，食唔停口！
另外打邊爐一定唔少得牛肉啦，今次我哋就叫咗頂級嘅本地手切騸牯牛，係牛頸脊嘅位置，肉味鬆化濃郁，肉質好嫩滑
另外仲叫咗麵豉大根黑豚餃，水晶奶皇包，豬潤，黑牛柏葉，仲有自家製嘅牛肉丸同埋墨魚丸
麵豉大根黑豚餃+水晶奶皇包：
前者呢第一次食呢個餃子嘅味道，感覺好特別，後者呢其實用打邊爐嘅方式去整熟個奶皇包，相當有驚喜，好好味，奶黃超流心😋
豬潤+黑牛柏葉：
至於豬濶一片片都好厚身，好新鮮，牛柏葉好爽脆，一定要跟返佢哋嘅指引時間去煮，保持食物嘅爽口度剛剛好
至於最後嘅自家製牛肉丸同墨魚丸，材料相當充足，牛肉丸相當彈牙同Juicy，墨魚丸裏面都食到有墨魚粒
打邊爐又點少得酸梅湯，感覺好開胃，酸酸美美咁，不經不覺都食咗好多
另外，值得一提嘅就係佢哋嘅調味醬架，有佢哋自家店舖製嘅自製海皇醬，有少少似XO醬咁，好足料，小編食咗幾啖，都充滿咗好多蝦乾，大家去到一定要試下，打邊爐必食
最後，如果兩個人去打邊爐嘅客人都唔使擔心，店舖都好照顧大家，點心火鍋，可以從34款食材，挑選13款，專提供比2位客人，想吃款多，但份量少的客人，照顧到唔同客人嘅需要，叫做「珍饈十三味點心火鍋」，大家真係要幾多到時叫依個兩個人一齊share食，大家一定要早d book位
張貼
