金御海鮮酒家 (恆豐中心)

營業中

休息中

都好耐之前，同爺爺上去呢度飲茶。呢度假日九點前加一後有半價，所以我地都早左幾多去飲茶。現場所見，都唔算太多人既，咁做可能係見小人就平俾你啦。XO醬炒蘿蔔糕唔係太得，因為唔多夠熱。而蘿蔔糕都算幾實既，配料都唔錯。個醬又唔會太鹹，算係咁啦。都係稻香好食。炸春卷都係唔夠熱，而且都幾油。個味道都係普普通通，春卷係用芋頭整，我又唔多鍾意食。所以呢個既印象都係麻麻。紅油炒手呢個唔得既，因為唔辣之餘。只係得個鹹字，菜肉餃既皮太厚。蝦餃呢個就好好食。因為好大粒架。而且皮又唔算厚，又有好多粒蝦。而呢個時候仲有半價，就真係好抵食。鹹魚肉餅飯鹹魚我就無食到，個飯整得幾煙韌。而肉餅又唔會太實，又有肉味。算唔錯既。奶皇包我對呢個期望唔會太高，但呢間都整得幾好食。個包好軟熟，又多流沙既奶皇。不過我食得太飽啦，其餘兩個包就返去先食。呢間飲茶都唔錯既，但食物都係稻香好食小小。而且優惠時間就局限咁短既時間，食完唔夠飽就要收正價。算啦，優惠就係咁。