TGIF

營業中

休息中

店舖以純白、樹木、陽光為主，空間感很好，坐窗邊嘅位置好多，背後嘅大窗可以打開，感覺好悠閒。最低消費一杯飲品/食物，而且有加一收費。但係，我食完感覺很不良好，落單後等咗30分鐘先上菜，今次真係熱咖啡都變凍咖啡。跟據我觀察，唔知點解廚房係一次過出三份俾三個唔同時間叫嘅客，我最早叫，當然我係等得最耐，而且中vs英餐牌vs實物係兩回事，我可以話係好失望。*Countryside 水煮蛋燒烤菇香草慢煮雞胸肉酸種包 $128首先，外表已經令人卻步。中文餐牌係水煮蛋，英文餐牌係poached egg，實物係水波蛋嘅外表、水煮蛋嘅內在。大啡菇細細一片，煮到好乾，雞胸肉唔算好嫩，正正常常，問題在於調味係百里香味，配照燒汁0夾。其實照燒汁配蛋配菇都有啲怪。自家酸種包細片、略乾、無發酵麥香，好失望。整體就係一個配搭奇怪又好乾嘅麵包，價錢亦唔平添。Latte $40拉花靚已經加分，咖啡夠香夠熱，很好。