心滿意粥

營業中

休息中

唔同嘅花有唔同嘅花語，好似代表浪漫嘅玫瑰、優雅嘅鬱金香、脫俗嘅百合…咁代表幸福嘅花呢？相信只要喺重要嘅節日收花，就已經非常幸福啦！至於講到幸福嘅食物，好自然就會諗起一碗軟綿香滑嘅粥。嚟到堅尼地城嘅心滿意粥，幸福由一碗粥出發！白糖糕白糖糕完全無酸味，味道清甜，甜而不膩。至於白糖糕呈一絲絲和蜂巢狀，口感爽滑彈牙。回味炸兩堅尼地城嘅心滿意粥，除咗粥底之外，腸粉亦係佢哋嘅代表作！腸粉即叫即蒸，所以等候時間較耐，但呢個等待絕對值得。腸粉非常滑溜，加上香脆嘅油炸鬼，口感形成強烈嘅對比，加埋甜醬同麻醬嘅混醬，味道充滿層次呢！生滾肉片滑雞粥滑雞一啲都唔肥，所以粥面上唔會有一層油，而且完全無碎骨，盡顯師傅斬雞嘅功架。肉片同滑雞嘅份量非常多，粥底除咗軟綿香滑之外，粥底帶有肉香，好有層次！