富臨皇宮 (已結業)

今日星期六同家人一行4人去天平富臨飲茶，下午茶係2點鐘開始，我地1點9左右去等位，本來擔心要等很久，點知等左幾張枱就到我地，入到去侍應姐姐就拎點心紙給我們，服務算中規中矩。我地畫左10碟點心左右，好快就上嘢食啦！點心都幾平，好似桂花糕、煎釀茄子都只係$7.8，燒鵝瀨粉都係$17.8，都唔算細碟，不過失望既係無食到奶黃流沙包，因為之前食過都幾好食既，希望下次去都食到。最搞笑嘅係我哋張枱冇牙籤，侍應姐姐竟然係佢的褲袋拎支牙籤出嚟，試問邊敢會用啊，之後佢都好識做去補番啲牙籤。