HABITŪ caffè (The ONE) (已結業)

下午茶時間入去,只有2枱客人,可以慢慢食慢慢歎!環境靚,播住法文歌(好似係),而且餐牌設計都好有外國FEEL。叫左杯烏龍茶咖啡同薄脆焦糖咖啡,烏龍茶咖啡唔太大烏龍茶味,奇怪既係佢竟然比起焦糖咖啡仲甜…薄脆焦糖咖啡,用匙整碎泡沫上既焦糖脆脆黎食,再飲一啖微苦既咖啡,完美既配搭!咖啡杯旁仲附送一件小小既甜餅,好貼心另外仲叫左個BURGER,份量超大,好難一口咬落去…配菜既薯條都唔可以忽視,十分之粗大,炸得剛剛好,好香脆。BURGER既牛肉好JUICY,一咬落去肉汁出晒黎,濃郁既牛肉味,正!加埋煙肉, 芝士同新鮮生菜同蕃茄,冇得輸!包皮同包底唔係普通麵包,有D似唔甜既麥包,焗到好脆。食到太漏,旁邊仲有酸青瓜幫你開胃。