燈籠滷味 (新都會廣場)

營業中

休息中

鐵路熱炸大排骨配香菇滷肉飯（$65）以下午茶嚟計，份量不少，有兩小碟前菜，一大塊炸豬排切件，半隻滷水蛋，椰菜同粟米，肉燥及白飯。前菜雖然係兩小碟，但有四款開胃小食，木耳、洋蔥、醃蘿蔔、酸菜；炸豬扒即炸夠熱唔油膩，外層脆，裡面肉質有咬口，未算軟嫩但唔嚡，洒上椒鹽粉，十分惹味；肉燥唔算好多，撈唔哂啲白飯，滷肉唔肥，味道正常；滷水蛋、椰菜、粟米，正常發揮。自選招牌燈籠滷味4款配料+1款主食（$65）配料揀咗蹄膀、大腸、麻吉燒、通菜，主食+$3轉咗手工烏龍麵。份量適中，豬手肉及豬大腸各約有六件，滷水入味，唔過咸；麻吉燒普通；通菜份量多，爽口無渣；烏冬唔糊口兼有咬口，口感不錯；湯底微咸，可以；面層洒上酸菜及青蔥。麻辣醬香滷豬耳朵（$24）加配小食，份量不少，豬耳爽口彈牙，肥位唔多，麻辣醬味濃，麻味辣味都出，食得幾過癮，好啱我口味。餐飲：熱冬瓜茶（個人覺得偏甜）、熱蜂蜜綠茶（個人覺得綠茶澀味重）。PS：另收加一服務費。