閩南小食館 (已結業)

唔想再食北角ｄ茶餐廳啦！今次就試下小福建呢間閩南小食館啦！我地叫左一個鹵麵同一個老坑米。個老坑米ｄ牛腩都幾有牛肉味，可惜都係有ｄ渣，個湯好清可以一飲。至於個鹵麵個汁好濃，又有菜同蚵仔，幾特別，好有福建風味。個ｍｅｎｕ度仲有好多特別野，好似肉水，土筍凍咁，我都好想試，但諗到ｄ蟲蟲咁大條又有ｄ驚，如果一碟唔係有成兩件都會試下。佢ｄ啤酒都係十蚊支，都幾平，叫ｄ小食來送酒都唔錯，下次可能會再試佢其他野。但可惜係佢太多同鄉係間野度食煙，搞到好大陣煙味，我想睇埋正印出頭天先走都唔得。