圓老爺雞煲小廚 (已結業)

今日同朋友去左圓老爺食飯，餐牌選擇豐富，好多小菜都好吸引。雖然只有兩個人，但因為好多小菜都想試，最後總共叫了4個餸。第一樣想食是水煮烤魚，一上菜既時候，已經聞到好香。烤魚好滑，辣味程度適中，對於平時唔食得辣既人來說，是可以接受的，而且有紅薯粉配搭，因吸收了水煮魚的精華，所以紅薯粉好入味，愈食愈麻。第二樣是金瑤扒西蘭花，瑤柱份量十足，味道好。第三樣是CAB牛肋條多士，最上層的牛肋條好嫩，配搭溶溶地既芝士同脆卜卜的多士，是一個新穎配搭。最後再叫一個四川辣子雞丁，炸粉不多，食落不會覺得食緊一舊炸粉，而且雞丁炸到好嫰，如果再辣些，會更加滋味。下次再搵多啲朋友一齊去，試下麻辣雞煲。