肥公車仔麵 (已結業)

以前住旺角，成日落去食肥公車仔麵！勝在啲餸多選擇，價錢又平！以前真係幾好食！不過有已有一牌無返過去，今日再去食，真係大失所望，啲嘢食質素好麻麻，叫咗兩碗車仔麵，啲餸交換食下，再加一碟燒賣！啲燒賣好粉，完全唔覺得好味！　　啲碗筷油淋淋，想攞到隻碗仔分D俾小朋友，每一隻碗都係滑潺潺仲有啲餸咋，真係好污糟。問吓阿姐有冇個乾淨嘅碗，佢話係咁㗎！食完已經飲咗支可樂，但未返到屋企，已經口渴到爆炸！不過佢仍然係好多人食，仲要排隊添！但我哋決定下次唔會再嚟。