break (已結業)

上星期去開 #牛頭角 嘅工廠大廈，搵地方借廁所就發現 #海濱滙 呢個幾fancy嘅地方有好多餐廳，今個星期竟然又去多次，仲喺嗰度嘅餐廳食嘢，呢間餐廳原來做梗推廣優惠添！✔️呢個推廣優惠啱晒喺嗰頭返工嘅咖啡友：break Friday! 逢星期五全日black & white coffee買一送一（12pm-2pm除外）✔️最欣賞呢間店有唔少手沖精品咖啡嘅選擇，最平58蚊就有一杯，雖然我今次無叫手沖咖啡，但竟然係我最想記住最想講嘅餐品，下次有機會我一定喺度嘆返杯✔️橫濱黑蜜latte vs 36小時慢萃伯爵latte，兩杯都好飲，我喜歡黑蜜latte嘅啡與甜蜜味嘅融合溫馨，亦喜歡伯爵與啡喺舌上嘅甘味鬥爭✔️玉子燒吉列豬排三文治果然係鎮店之寶之一，麵包烘得好均勻好夠金黃香脆，多士嘅香味撲鼻，一咬落去係由吉列豬排嘅crunchy迎接我，加埋甜甜地嘅玉子燒，不單口感層次豐富，就連味道咸甜都層層不同卻交融一起✔️炸雞牛油果醬丼都好豐富喎，用牛油果做醬幾特別，雞件亦好軟好juicy，配埋滿滿嘅飯就是一份滿足