魚木日台美食

營業中

休息中

魚木日台美食喺九龍灣 The Eastmark 嚟講算係新血，呢度主要提供日式料理，另外仲有少部份台式，韓式同西式食物。第一次幫襯，我揀咗台式嘅鹽酥豬排便當。呢個鹽酥豬排同其他台式食店嘅做法唔太相同，豬排調味唔重手，鹽酥味亦唔強，味道來源主要靠上面嘅沙律醬，未必係我最鍾意嘅做法，不過兩大塊豬排炸得剛好，肉質肥瘦適中，有肉味，所以整體嚟講都算唔錯。值得一提係飯入面有少量椰菜絲，職員專登拎樽沙律醋過嚟，話畀我用嚟撈菜食，好認真，有分加👍。