陳福記 (已結業)

由於常在機場出入，見此餐廳新開後未試過就入去試試個下午茶。環境一流！因為係機場，服務問題不大，兩個人叫左兩個下午茶餐；蜜糖煎雞扒喇沙、豬頸肉喇沙、凍咖啡、熱檸檬水。蜜糖煎雞扒喇沙，湯面紅油多，芽菜非常少，面底居然係米線，湯淡，蜜糖雞扒完全無蜜味，甚至小小甜味都無，其他喇沙應有嘅都全部欠奉。豬頸肉喇沙，湯面一樣紅油多，芽菜如一非常少，面底都係米線，湯都係淡，其他喇沙應有嘅都係全部欠奉。一碗稱為蜜糖煎雞扒喇沙嘅雞扒米線，同一碗稱為豬頸肉喇沙嘅豬頸肉米線，令我感受到，原來機場先可以食到不一樣的喇沙。都算，凍啡特淡，熱檸水發苦，埋單百幾，抵到拍枱！大家一定要嚟試下，機場原來有此十八層地獄食店，真係明將紅豆軍艦都立即變成上菜。