影片
更多
2017-10-18
1318 瀏覽
上星期放工得我同媽媽晚飯，於是帶左媽媽去食日本放題，今次黎到呢間餐廳是比較新開的，是我經常去食的一間分店，食物應該也不錯的，於是就去試試～這裡位於旺角兆萬中心3樓商場樓層，坐位之間好寬敞，價錢收費就係按日子及時段計算！ 這裡以放題形式為主，跟大部份的放題一樣，枱上備有厚厚的點單紙，款式特別多，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品等！另加HK$60/人就可以升級體驗其他升級食物，有澳洲和牛壽司同黑松露海膽蒸蛋都好吸引耶！另外再加HK$30/人仲可以食到呢度先有的磯燒放題，有唔同海鮮可以揀，當中包左一盤拼盤，而其後再點叫就要按類別加錢！飲品選擇算多，都是以罐裝飲品為主，可以自行到雪櫃拿取～我地Join左磯燒放題附送一盤海鮮拼盤，包括平殼扇貝、大赤蝦、鮑魚、北海道燒蟹蓋及青口～唔想自己動手都有職員幫手燒俾你食～當中最喜歡這個北海道燒蟹蓋，拆哂蟹肉啖啖肉，蟹味濃郁，燒到好香好惹味～這條大赤蝦大過手掌，燒到濃濃地好香口，肉質好彈牙爽口～清酒煮蜆數量不少，湯底不錯，而蜆的Size比想像中大，好鮮甜的！刺身：分別點了有三文魚、劍魚腩、北海道帶子、北寄貝等
上星期放工得我同媽媽晚飯，於是帶左媽媽去食日本放題，今次黎到呢間餐廳是比較新開的，是我經常去食的一間分店，食物應該也不錯的，於是就去試試～
這裡位於旺角兆萬中心3樓商場樓層，坐位之間好寬敞，價錢收費就係按日子及時段計算！
這裡以放題形式為主，跟大部份的放題一樣，枱上備有厚厚的點單紙，款式特別多，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品等！
另加HK$60/人就可以升級體驗其他升級食物，有澳洲和牛壽司同黑松露海膽蒸蛋都好吸引耶！
另外再加HK$30/人仲可以食到呢度先有的磯燒放題，有唔同海鮮可以揀，當中包左一盤拼盤，而其後再點叫就要按類別加錢！
飲品選擇算多，都是以罐裝飲品為主，可以自行到雪櫃拿取～
我地Join左磯燒放題附送一盤海鮮拼盤，包括平殼扇貝、大赤蝦、鮑魚、北海道燒蟹蓋及青口～
唔想自己動手都有職員幫手燒俾你食～
當中最喜歡這個北海道燒蟹蓋，拆哂蟹肉啖啖肉，蟹味濃郁，燒到好香好惹味～
這條大赤蝦大過手掌，燒到濃濃地好香口，肉質好彈牙爽口～
清酒煮蜆數量不少，湯底不錯，而蜆的Size比想像中大，好鮮甜的！
刺身：分別點了有三文魚、劍魚腩、北海道帶子、北寄貝等，下面都有冰塊為刺身保持溫度，令刺身保持新鮮～
三文魚刺身很新鮮厚身，啖啖肉的，沒有任何雪味，三文魚味濃郁～
油甘魚（升級體驗）肉質特別鮮嫩，而其他的都好新鮮，而且是厚切，十分滋味～
軟殼蟹手卷：即叫即包，外面的紫菜而香脆，而軟殼蟹包住都是香脆的，上面還有滿滿的蟹籽，口感好豐富～
天婦羅：是即叫即炸，熱騰騰的上碟，亦都炸得剛剛好，金黃色的，而且炸粉不會太多，好脆身，沾上天婦羅汁好好味，我最喜歡就是南瓜及蝦天婦羅，南瓜帶有甜味，而蝦肉好彈牙，好有口感！
黑松露海膽蒸蛋（升級體驗）：蒸蛋好滑身，入面有冬菇、蟹柳、魚片等配料，好有口感～上面加了了海膽煮成，所以味道比較鮮味，但就沒有原粒的海膽的！
澳洲和牛壽司（升級體驗）：半生熟的澳洲和牛，上面有點洋蔥碎可以辟到其濃烈的腥味，澳洲和牛切得比較薄身，好易咬開，牛味尚算可接受！
火炙三文魚腩壽司（左）：輕輕燒過表面的火炙三文魚腩壽司好惹味，三文魚味香濃！
黑松露帶子壽司（右）：好特別，上面有少量黑松露醬，帶子好爽口嫩滑，而吞拿魚也很鮮嫩，微微的黑松露香跟兩者味道不同的都很夾，味道不會太膩！
胡麻冷豆腐：質感滑滑的凍豆腐加上微酸香口的芝麻汁，好醒胃～
味付螺肉：螺肉好彈牙，微辣好惹味！
蒜片牛柳粒：牛柳粒好淋身好惹味，一口一粒，好有牛味，醬汁也很惹味！
南蠻雞翼：是即叫即炸的，上碟時好熱騰騰，好香口惹味，而且表面炸到好脆口，正！
甜品有任食雪糕杯，可以自行領取～
也有不少甜品選擇，當中的櫻花牛奶布甸特別喜歡，布甸好滑身！
題外話/補充資料：
後記：
整體的食物質素不錯，磯燒放題真係好正，海鮮都比想像中新鮮～
比較平時食日本放題多少新意，岩哂一大班唔同口味既朋友約埋黎食！
(以上食評乃用戶個人意見 , 並不代表OpenRice之觀點。)
張貼
