玄米茶廳

營業中

休息中

今日係尖沙嘴，食到一間不一般既茶記。 本來係諗住行得攰攰地，求其搵間茶記食，入到黎呢間玄米茶餐廳，睇落好新下。 一入門口阿姐就好好招呼。 佢呢度好似咩都有得食，門口大大個煮牛腩粉麵既廚間，而佢後面就係燒味部，然後再舖頭入面仲有個出飯餐既後廚同水吧。 真係舖頭細細一應俱全。 好肚餓就叫左個炸雞翼先。 係全翼，仲要炸得好香好脆，碟身都唔會見好多油，果然係即炸。 食落唔會好咸，好少茶記既雞翼咁好食。然後阿姐話仲有崩沙腩，所以就叫左個崩沙腩米粉。 黎到個賣相勁靚，崩沙腩好足料，而且仲要好大嚿，好厚身，咬落好夠稔又香，肥瘦均勻，真係好正。 而且佢仲有爽甜既菜芯跟埋。最後飲埋個好正既雜果賓治，勁多雜果，仲係細個飲既味道，真係好難得。 估唔到呢間茶記咁有驚喜，食得好開心。