影片
更多
2017-10-11
425 瀏覽
由一班港漂開設嘅一系列「十二味」，近年越開越多，既有吃貴州牛肉粉嘅、也有以麻辣香鍋、牛肉火鍋，巴蜀菜式等作招徠。不過由於筆者不太吃得辣，所以只是嘗過當中嘅牛肉粉。早前從友人處得知天后開咗間「十二味不只是烤魚」，初頭還對友人說：「重慶烤魚，太辣喇，唔啱我」。友人見我咁大鄉里，笑說：「其實店子除了有招牌重慶烤魚、地道川菜外，仲加入咗好多唔辣的菜式，而且烤魚口味眾多，有唔辣嘅蒜香味、老壇酸菜味、豆豉味等，以供唔食得辣的朋友選擇」。聽落又真係幾吸引，就一於搵日去試吓。店子位於天后興發街，據說是「十二味」旗下第一間深夜食堂，營業時間由中午 12 點直踩至凌晨，啱曬喜愛夜宵磨嘅朋友。其實喺清風街天橋底已經見到餐廳嘅易拉架，門口嘅裝修好搶眼，牆壁上的麻辣香鍋、水煮腦花、小龍蝦等，畫得栩栩如生。推門內進，店面呈 L 形，左手邊以四人卡座為主，中間放了數張可以自由組合拼配的方檯，而轉彎就設有一列以高身屏風作間隔的座位，配上一室湖水藍座椅，令裝潢既悅目又舒服。午市套餐非常經濟，有川式熱菜系列和川式粉麵系列，唔食套餐，當然也可以選吃烤魚、羊肉串、悶燉兒麻辣香鍋、新彊大盤雞等招牌菜。既然一心為吃魚而來，就先以
早前從友人處得知天后開咗間「十二味不只是烤魚」，初頭還對友人說：「重慶烤魚，太辣喇，唔啱我」。友人見我咁大鄉里，笑說：「其實店子除了有招牌重慶烤魚、地道川菜外，仲加入咗好多唔辣的菜式，而且烤魚口味眾多，有唔辣嘅蒜香味、老壇酸菜味、豆豉味等，以供唔食得辣的朋友選擇」。聽落又真係幾吸引，就一於搵日去試吓。
店子位於天后興發街，據說是「十二味」旗下第一間深夜食堂，營業時間由中午 12 點直踩至凌晨，啱曬喜愛夜宵磨嘅朋友。
其實喺清風街天橋底已經見到餐廳嘅易拉架，門口嘅裝修好搶眼，牆壁上的麻辣香鍋、水煮腦花、小龍蝦等，畫得栩栩如生。推門內進，店面呈 L 形，左手邊以四人卡座為主，中間放了數張可以自由組合拼配的方檯，而轉彎就設有一列以高身屏風作間隔的座位，配上一室湖水藍座椅，令裝潢既悅目又舒服。
午市套餐非常經濟，有川式熱菜系列和川式粉麵系列，唔食套餐，當然也可以選吃烤魚、羊肉串、悶燉兒麻辣香鍋、新彊大盤雞等招牌菜。既然一心為吃魚而來，就先以烤魚作出發點。魚類有四款選擇，有吳郭魚、清江魚、江團魚和桂花魚，而味道除了之前提及過嘅蒜香、酸菜、豆豉等外，還有招牌香辣、經典麻辣、醬香和鮮辣味。由於不大吃得辣，所以決定揀金牌蒜香味烤清江魚，另外再配四碟伴魚輔菜及兩款飲品。
趁烤魚仍在準備中，先點客烤羊肉串 ($45/三串) 試試，羊肉串很好吃，肥瘦相間，肉烤得恰到好處，甘香嫩滑，入口香噴噴，加上孜然的香味，非常惹味。
金牌蒜香烤清江魚 ($278) 終於上桌，先撥開魚身上面的芫茜細看，鍋內的烤魚颇大條，約有三磅重，不過湯底配菜不多。待湯滾後，搶先呷一口，熱燙燙，帶濃郁蒜香味。用附上的小鑊鏟將魚分開，挾起一嘗，質素果然不俗，外皮烤得非常焦香，能鎖住魚油和香氣。而魚身亦烤至僅熟，肉質雪白嫩滑，既入味又鮮甜，食得出是新鮮魚，而且滑溜得來更帶一份油潤和甘香，很好吃！
配料揀咗四款素菜，有炸響鈴 ($28)、鮮冬菇 ($22)、嫩豆腐 ($18)、油麥菜 ($18)。先將響鈴放喺湯內灼幾秒，由於響鈴外層吸滿湯汁，入口外軟內脆，非常正斗。鮮冬菇肉厚又夠大隻，食落好爽身；嫩豆腐豆香重，質感滑溜；而油麥菜賣相亦很新鮮翠綠，味道達預期般爽甜。
飲品點了欲望酸梅 ($26) 同加多寶 ($18)，前者喝起來酸甜醒胃，生津解渴；而後者其實係王老吉，用來配火鍋，清熱解膩。
原來依家食烤魚都可以足不出戶，唔知喺屋企食會唔會更有風味呢！
張貼
