爽意咖啡屋 (已結業)

4月16日, 是夜遊走在灣仔天樂里口, 正研究緊食乜好嘅時候發現呢度新開咗間西餐小館~ 環境裝修都光猛企理, 但就有d似茶餐廳… 勝在入面無乜人, 既然唔洗等位, 見佢d dinner set又ok, 就入去試下新野啦!::: 鮮茄野菌雜菜意大利粉 + 凍檸茶 ::: $58餐前送上麵包條兩支, 感覺好似自家製, 麵粉味比較淡, 但都頗香脆, 點湯食唔錯!前菜唔洗二選一, 螺絲粉沙律同青豆蓉餐湯一同奉上~ 青豆蓉湯都幾濃稠, 入口啖啖豆蓉, 不過味道就鹹咗d. 沙律不錯, 螺絲粉彈牙, 蔬菜新鮮, 又唔會過多醬汁, 幾好!意粉雖然全齋, 但露筍、野菌份量豐富, 尤其欣賞鮮茄醬汁, 味道夠天然濃郁, 意粉又索到汁, 好味得嚟唔膩, 滿足了!凍檸茶不過不失~ ok 啦.::: 香蒜蜆肉忌廉扁意粉 + 凍奶茶::: $64整個意粉都好有香蒜味, 仲幾香添~ 蜆肉份量夠, 仲食到少少香甜味~ 仲有青椒紅椒咁, 都幾清新~ 意粉絕對唔係烚到淋pat pat嗰隻, 炒完都仲keep到彈牙感~ 整體成個意粉幾好食, 雖然茶餐廳格局, 但係甚至比一d西餐仲好食~凍奶茶用上西紅茶, 而又係自己落奶, 所