影片
更多
2011-09-28
15 瀏覽
我同女友特登過海黎尖沙咀想試兔角，點知冇開門。因為好餓，所以求其響度醫肚。一入去見到 d 裝修好 hea，待應阿姐大大聲傾計，加埋廚房傳出既收音機聲，完全係茶餐廳感覺。呢度有幾款小籠包，有豬 / 蝦 / 雞 / 蟹粉... 我地因為未試過，所以好奇點左雞肉小籠包 ($32 / 4隻)。小籠包個樣幾奇怪，大隻同幾厚皮，食落 d 餡同普通豬肉小籠包冇分別。我地好仔細咁食，都食唔到一丁點既雞味。我地懷疑落錯單，於是問阿姐...「呢個餡係咩肉？」「雞。」「但我食到係豬黎 wo...」「係有雞有豬混埋左。」咁我估 d 雞佔一成都冇 講返小籠包既質素－－比翡翠拉面小籠包差，但仲要貴 d !!!另外點左雜菜炒拉面 ($56) & 清湯牛腩面 ($4x)。雜菜炒拉面真係非常 hea，即係豉油王炒，女友話夠鑊氣 wo，不過咁既價錢真係超唔抵。牛腩面份量細，牛腩一睇就知放左好耐、縮晒水，咬落亦非常 "un"，比魚米家既牛腩差好多倍!!阿姐態度好差!!一開始點左小籠包之後，佢就俾左兩隻碗我地。後來我地再點兩個面...面一黎到，佢就聲都唔聲拎走左兩隻碗!! 下?! 咩意思?! 即係要我地響個裝面既碗 / 碟上
因為好餓，所以求其響度醫肚。
一入去見到 d 裝修好 hea，待應阿姐大大聲傾計，加埋廚房傳出既收音機聲，完全係茶餐廳感覺。
呢度有幾款小籠包，有豬 / 蝦 / 雞 / 蟹粉... 我地因為未試過，所以好奇點左雞肉小籠包 ($32 / 4隻)。
小籠包個樣幾奇怪，大隻同幾厚皮，食落 d 餡同普通豬肉小籠包冇分別。
我地好仔細咁食，都食唔到一丁點既雞味。
我地懷疑落錯單，於是問阿姐...
「呢個餡係咩肉？」
「雞。」
「但我食到係豬黎 wo...」
「係有雞有豬混埋左。」
咁我估 d 雞佔一成都冇
講返小籠包既質素－－比翡翠拉面小籠包差，但仲要貴 d !!!
另外點左雜菜炒拉面 ($56) & 清湯牛腩面 ($4x)。
雜菜炒拉面真係非常 hea，即係豉油王炒，女友話夠鑊氣 wo，不過咁既價錢真係超唔抵。
牛腩面份量細，牛腩一睇就知放左好耐、縮晒水，咬落亦非常 "un"，比魚米家既牛腩差好多倍!!
阿姐態度好差!!
一開始點左小籠包之後，佢就俾左兩隻碗我地。
後來我地再點兩個面...
面一黎到，佢就聲都唔聲拎走左兩隻碗!!
下?! 咩意思?! 即係要我地響個裝面既碗 / 碟上面食小籠包?!
後來小籠包黎到，因為我未食完個面，冇空碗，只好打算食完面先食。
點知阿姐走來收野，見個籠得返一隻小籠包，就粗魯地放個籠上我面前，吹我快 d 食，因為佢想快 d 收左個籠!!
我未試過咁樣俾待應吹我食快 d !!! 而且當時客人好少，完全唔係要趕住交檯!!
真係有 d 嬲...!!!
咁既服務，竟然仲好意思收人加一服務費!!!!
食到我一肚氣!!!
早知食樓上 m 記好過!!
張貼