影片
更多
2019-12-20
1081 瀏覽
同一大班朋友食飯諗到頭都爆個個都冇主見嘅，完全唔知想食乜嘅情況底下又想靜靜地坐下傾吓計就決定打邊爐，見到呢間阿肥火鍋二話不說就行咗落去。因為唔想再諗，開咗間房仔坐低，準備叫嘢食嘅時候，望住將餐牌一陣。。我搵咗好耐都搵唔到佢哋有咩湯底可以揀，而且價錢偏貴，不過未食就唔知啦，可能靚料又好新鮮呢。。湯底就求其叫侍應幫我哋揸主意，叫咗一邊麻辣，令一邊就花膠雞窩。另一張點餐只啲字細到睇唔到咁滯。。。種類算多嘅，都係價錢比較貴，不過尖沙咀呢啲地段就預咗啦。呢兜野係我哋一坐低就係咁，我意思係:會唔會可以整乾淨少少同好睇少少送上枱呢？好似唔係幾presentable 囉。。。始終你收費唔算平而且有加一服務費㗎，男店員服務態度差到一個點，問佢拎筷子，應一句都廢事，直接行咗出去拎，佢嘅眼神話俾我知佢嫌我地煩，如果真係咁唔想做不如唔好做啦，仲有我哋坐房，除咗傳菜入嚟之外，期間係完全冇侍應入嚟望吓我哋有冇其他需要，直至我哋個煲冇晒水燶晒底都係我哋自己行出去搵人入嚟加水，入到黎仲要黑晒面，因為真係太燶我哋拎起咗個煲，而個女侍應個樣就話俾我知：你唔放低個煲我點加水？(總之兩個侍應比我嘅感覺都好差)趕客mode.
因為唔想再諗，開咗間房仔坐低，準備叫嘢食嘅時候，望住將餐牌一陣。。
我搵咗好耐都搵唔到佢哋有咩湯底可以揀，而且價錢偏貴，不過未食就唔知啦，可能靚料又好新鮮呢。。湯底就求其叫侍應幫我哋揸主意，叫咗一邊麻辣，令一邊就花膠雞窩。
另一張點餐只啲字細到睇唔到咁滯。。。種類算多嘅，都係價錢比較貴，不過尖沙咀呢啲地段就預咗啦。
呢兜野係我哋一坐低就係咁，我意思係:會唔會可以整乾淨少少同好睇少少送上枱呢？好似唔係幾presentable 囉。。。始終你收費唔算平而且有加一服務費㗎，男店員服務態度差到一個點，問佢拎筷子，應一句都廢事，直接行咗出去拎，佢嘅眼神話俾我知佢嫌我地煩，如果真係咁唔想做不如唔好做啦，仲有我哋坐房，除咗傳菜入嚟之外，期間係完全冇侍應入嚟望吓我哋有冇其他需要，直至我哋個煲冇晒水燶晒底都係我哋自己行出去搵人入嚟加水，入到黎仲要黑晒面，因為真係太燶我哋拎起咗個煲，而個女侍應個樣就話俾我知：你唔放低個煲我點加水？(總之兩個侍應比我嘅感覺都好差)趕客mode. 我想講我從來未試過坐房坐到係完全被無視既感覺。
極致手切肥牛同阿比海鮮拼盤$588
好講返食物，呢碟手切肥牛係真心唔差既，但係薄切，份量同價錢唔成比例，薄到通透不過牛味重既，油花分布比較多，牛肉質感更滑溜同彈牙。
海鮮拼盤用急凍生蠔？咁我不如直接叫個急凍生蠔啦，聖子塊肉唔知去咗邊，鮑魚已經離晒殼，唔知沙白定係蜆肉，落咗水之後已經唔見蹤影。。。呢個組合$588，睇吓你嘅接受程度去到邊囉。。味道來講，急凍嘅生蠔鮮味就一定欠夆，雪藏味都好重，而且入邊的肉都有d霉，聖子尚算可以接受，口感都仲爽口嘅，鮮甜味就爭啲，鮑魚沉底唔見咗，好似冇人見過佢😂
睇個名以為呢個紫菜腐皮會有驚喜，點知擺入就。。。。腐皮好大浸油益味，配埋紫菜其實唔係好match ,大家都想像到紫菜浸林左係咩質地。。。加埋腐皮嗰浸油味就。。。個人口味唔係咁鍾意。
嗰個牛仔粒同埋肥牛真係心照，肥牛卷埋一舊而且仲未解凍，一調落水完全唔識熟咁款，d冰黐實晒舊肥牛，變左外圍熟曬，個心都仲係生嘅紅卜卜，事關佢係冰鮮肥牛，想攤開嚟馺都難，牛仔粒同啲骰仔冇乜分別，佢切到咁大粒，要馺好耐至會熟，但係馺太長時間又好韌，同埋冇乜牛味，建議點其他菜好過。
嗰個墨魚滑80幾蚊咁既份量我覺得偏貴喇，墨魚滑都打到出晒膠，唔錯既，入口爽滑彈牙。
脆骨腩冇乜色澤，同埋全部都係肉，冇乜骨位，食脆骨腩係近骨位先最正，不過呢碟全肉都唔係話唔好食，不過肉質鬆散左啲，同埋切得比較細塊，落水縮埋左仲細，完全影響咗口感。
八個人圍住咁細嘅煲，而且張枱勁大，過爐位又係fix死左既，勁難夾野食，啲嘢又熟得慢，出品唔算話好差但係個人認為未至於咁嘅價錢。
服務態度就真係mama地喇。
張單差唔多$3000我哋八個人都係5-7成飽左右咋😰
張貼
