之前都幫襯過呢間餐廳幾次，都見過貌似太子爺同好似老闆嘅阿伯對啲客呼呼喝喝嘅情景，無諗過今次係自己！
一入門口已被太子爺呼喝我入去，明明大把吉位，我2個人要我坐埋一邊無所謂，大家合作，不過一定唔係用呼喝，同好似我殺咗你全家咁嘅態度。
以後都唔會再幫襯，因為未好食到受氣我都要坐低食，仲要畀錢佢哋賺。終於明白之前嘅食評，話佢地自以為好食就可以不可一世，對客人態度惡劣，睇嘅時候都會半信半疑，而家真心明白。😡
The above review is the personal opinion of a user which does not represent OpenRice's point of view.
1
Nei Nei168
完全同意，果個老細真係不知所謂，明明大把卡位，又唔準人座，我一個人去，佢就唔比我座大卡位，要我座單邊2人位，我將手袋放對面張櫈，佢都話唔得，佢話一陣好多人會嚟，我話有人嚟座，我咪搬翻過嚟囉 ! 佢都堅持話唔得，我立即起身走人，我而家係去食野，唔係去座監，唔係去受氣睇佢面色，佢點知一陣會好多人嚟，或者我食完都無人嚟呢！佢真係不可一世，大家唔好去幫襯佢，*內仲貼住話信主喎，主有教你以咁嘅態度對待嚟幫襯你嘅客人咩 !
Dining Method
堂食
