珍妮曲奇 (已搬遷) 新店位置

一早唔夠十二點去到，排隊約20分鐘，入到店大大隻字只有四味，冇計應承送俾朋友，兩罐大加兩罐细要多罐牛奶糖，埋單470，禮貌地問，唔該俾多個膠袋！得到回覆，額外要膠袋每個一蚊。吓！買470五罐，要多一個袋叫額外？買一罐要你十個袋，嗰九個就係額外。我知你出名，我地同國內同胞用八味價錢買四味都唔介意，其實介意，不過只可以㨂買同唔買。無奈！你賣曲奇定賣袋。返到屋企揾你網址唸住投訴，見到大大隻字話得返兩門店，但仲寫住八款的介绍，點解你唔改埋得四味？係咪有我地盲目追求咁買，你公司就可以是但求其應付？咁樣做生意都得？希望你公司睇到同改善，係呢！不如叫客人自備膠袋去幫襯你。