101手工涮涮鍋 (已結業)

今晚朋友同我補祝生日，佢地揀左101手工涮涮鍋，最近天氣有點冷，最岩就係打邊爐啦！平日都坐到full哂，好在朋友在一早訂位咋！餐廳環境潔淨但燈光就比較暗，座位之間都寬闊，都算坐得舒服。職員服務態度有禮，亦會主動幫我地換碟加水。人頭費$308起，無限時ge，咁就唔洗食到好急咁。冬陰公卜卜蜆海鮮鍋冬陰公味濃郁，裡面d卜卜蜆都吸收哂個湯底。不過個湯就愈煮愈咸，就算唔加湯，只加水都好咸。待湯煮滾之前，有2款前菜可以食住先，分別係蒜泥口水手撕雞和麻辣蓮藕，而且仲可以追加ge，個人覺得蓮藕不錯，爽口帶點微辣。手切安格斯牛頸肥牛片(上)／101特選手工火鍋拼盤先講肥牛啦，肥瘦適中，牛味亦好重，煮耐左食落都唔會韌。至於手工火鍋拼盤，因為係人頭計，我們有3個人，所以這個點了2份。當中最好味ge係芝士蝦丸、芝士墨魚丸（入口超爽彈，芝士仲係流心架）和墨魚汁鳥結糖（口感好特別，係其他地方唔覺有）。台灣夜市火鍋拼盤仲有1份點了滷水拼盤，本身已經係熟ge，但需要煮返熱先可以食，印象最深刻就係滷水雞翼，就算個湯底係冬陰公，煮返熱之後，雞翼滷水味依然好入味，肉質仲好嫩滑！人頭加$38任飲啤酒，但啤酒入口非常淡，好似溝