肥媽屋

營業中

休息中

普通的車仔檔，但有不平凡的車仔麵，配料、粉麵自選，價錢合宜。我至愛有釀豆卜、魷魚、通菜、牛丸，仲整多杯五花茶、呢到會有撈麵或者湯麵揀，我次次都會揀撈麵黎食，就算簡單的撈麵，無湯底浸住，只係加少許蠔油上面，用撈的方法，都好夠味。大大粒的釀豆卜，原隻豆卜釀左豬肉係裡面，口感一流。粗麵又夠彈口。其他的餸都好足份量，每款大大份，逼滿了一碟，一大碟的車仔麵新鮮熱辣辣有得食啦，實在好滋味！另外一個特點就係枝五花茶，係自家製煲的，好清潤。食完過左第一日，成日都會有種好掛住的感覺，食完之後會覺得好想再黎食。