金牌小龍 (已搬遷) 新店位置

尋晚一家三口去尖咀行街，行行下the One肚仔餓，就搵地方醫肚，媽媽想食中菜，咁睇完水牌就決定食小龍。以為係上海野，坐低先知係台灣野。叫左小籠飽、醉雞、梅菜扣肉、撈面同兩個白飯。小龍包皮薄多汁，可惜豬肉有so味，大扣分。醉雞成80蚊，但得幾塊，唔香，仲要好鞋口。撈面好細碗，真係好失望，不過面彈牙，蔥油香，幾好食，但係30蚊實在唔值。梅菜扣肉全晚最難食，梅菜無味，切得細碎，肉都係無味，好似罐頭咁，仲要係加熱嘅，真係唔知自己食咩咁。完全送唔倒飯！重點係我佢一路唔收碟，食左一個鐘倒就收碟，碟扣肉同白飯食左一半，佢地就不停問我地仲要唔要，但係我地邊傾邊食，點解要吹我地？終於有人行過黎話出面有人等位，叫我地䧉單，，咁我地明白嘅，就走喇。我地坐中後的卡位，點知一行出黎，有幾張空枱，行到出去，得一對情侶等位。我唔明點解佢有空枱都要叫我地走，野已經唔好食，仲要得失客，真係唔會再黎！