麥當勞

營業中

休息中

因為約左人就遲到既關係，今日黎到黃大仙食個快飯。第一件事諗起麥當勞，又快又好味。就黎行到去既時候，覺得好奇怪，因為竟然會Dinner hour冇人！男朋友話可能入面好大，門口冇人坐姐，點知入到去原來真係得幾枱。我地試下新野，叫左薄切牛飯卷餐加大，再加兩隻雞翼外賣。事關趕時間，諗住拎走邊行邊食。點知我地等左好耐，睇住其他人買完走左，我地都未有。過去望下張單，原來等左10分鐘有多，問下Staff，點知佢地既反應係你問下我，我問下你。之後有人向廚房大叫“牛卷”！但依然冇人打算交代一下咩事同埋究竟有未。過多陣，再問第二個Staff，我地等左3，4個字都仲未有。佢即刻拎起個代放我地啲野食入去，仲叫入廚房問有未。唉… 最後我地等左4個字先有野食，遲左咁多決定坐低食埋先。真係好唔明點解咗得意，入面做野既人仲多過出面食野既人，點解仰可以咁耐先有野食！好彩啲野食都依然好味，我最鐘意既雞翼依然好味，都係咁juicy，如果唔係我諗我以後都唔會再㴝！