Lockeroom Dining (譽發廣場) (已結業)

平時喺旺角食得多，難得放假，就搵間有特色啲嘅Cafe眾下舊。呢度以Asenral為主題，環境岩曬球迷，牆上掛滿Asenral球衣/ Banner，朋友表示好岩同Brother一齊黎。環境有特色外，食物質素都好。點咗set，配有沙律、包、餐湯、飲品。糾結咗一陣食意粉定係鋸扒，最後點咗波士頓龍蝦配白松露忌廉扁麵。意粉好有驚喜！忌廉汁好creamy，每一條意粉都掛到汁。松露味突出。龍蝦半條來講算幾大，無論打卡同味道都好。龍蝦表面有啲芝士。另外，女士唔使擔心食到冇晒儀態，因為好容易起肉。朋友叫咗卡邦尼意大利麵配溫泉蛋，評價 ok ，讚creamy得黎唔會膩。呢度一定一定要加錢叫甜品，甜品半價，分別叫咗法式焦糖燉蛋同朱古力三重奏心太軟。焦糖燉蛋真係用「蛋殼」裝住，好有心機。值得一題呢度嘅碗碟都有足球色彩。秋意襲來，最啱就係食朱古力心太軟，入面暖笠笠。一切就有朱古力醬湧出來，蛋糕濕潤濃郁。相信唔係一定要做球迷，就算女仔黎食返餐好都係個好選擇。