舍利鮨 (已結業)

朋友一直都推介呢間元朗的廚師發辦🍣，而且對佢評價都幾高，咁我見最近嚟順便經過附近，所以就嚟試下佢。果然係名不虛傳！所有食材都好新鮮，我最喜歡深海池魚壽司🐟，池魚做壽司非常Creamy厚身，味道更鮮甜。牡丹蝦蛋黃漬壽司， 蝦既口感爽糯鮮甜，配合特有的醬汁，提升鮮味。紫海膽壽司都系我好中意既，海膽有好重既海鮮味，好綿、又夠鮮甜，食落仲滑身，一試難忘;仲有中拖羅，有淡淡嘅魚香，味道唔會太搶。🍣整體黎講😆，食物質素新鮮無得彈，師傅和店員都好親切，十分照顧客人需要，一定會再來！