生龍清湯腩 (已結業)

好耐冇行旺角，行到差唔多又係時候搵下野食。。都知道旺角D野食又貴又未必好食，不過餓起上黎都唔理得咁多。。經過生龍，朋友話呢間d牛腩唔錯，佢想食。。咁就呢間。。朋友叫左清湯腩麵，我就叫左個云呑蝦子撈面。。朋友俾左舊牛腩我食，係幾淋唔係好多肥膏，不過佢個碗真係少得可憐，碗又細腩&麵又少。。我食果個云呑蝦子撈面，云吞入面蝦雖然細不過都幾爽，但係果麵就比想像中乾又咸, 我要加返好多湯先吞到。。最大問題係杯紅豆冰，d紅豆好似未熟，好鬼硬。。仲要跟餐加$13。。絕對不值。。仲有服務唔好，尤其坐收銀果個亞姑，冇禮貌，問多佢一句都好呼喝好唔耐煩咁回答。。雖然食粉麵啫不過我地都要俾錢㗎，都係客。。