影片
更多
2023-03-14
504 瀏覽
平日好少寫食評，但昨天的經歷覺得好離譜，要上黎講下，事源屋企人有一疊time square coupon 未用，而昨日是最後一日可以用，諗住大家約埋出黎食個happy friday dinner, 要帶埋小朋友出去食野本身已不是易事，女兒選了很久，最後想要碟牛肝菌蝴蝶粉，未上菜時已不斷問點解仲未到，我哋答佢「蝴蝶」未飛到呀，佢就好開心咁等，食住其他野先⋯⋯我哋叫咗十幾樣野，碟粉最後先到，點知一上枱變咗係長通粉，個賣相非常唔吸引，我哋問職員佢話「因為無哂」然後就轉身走咗，就無理番過黎。我再問另一位身形健碩企門口嘅女職員，講俾佢知小朋友會好失望，問點解會唔講聲同就咁放低就算。佢一句唔好意思都無講，仲大條道理加語氣好差咁話：「我哋餐廳由xxx月之前已經無蝴蝶粉架勒wo！無好耐啦，咩粉都有係無蝴蝶粉」好似係唔知道呢件「大事」係我哋問題。🙄🙄但落單果一下完全無人同我哋講過，我未試過一間餐廳係可以咁樣黎處理問題。係一句都無講，你係咪覺得是但整到埋黎我就要食？😦 我哋解釋唔想要，因為呢碟粉係叫俾個囡食，佢見唔到蝴蝶果一刻已經想喊，唔會再可能要求到佢食，加上職員嘅態度，我哋已經完全唔想食，（如果你態度
我哋解釋唔想要，因為呢碟粉係叫俾個囡食，佢見唔到蝴蝶果一刻已經想喊，唔會再可能要求到佢食，加上職員嘅態度，我哋已經完全唔想食，（如果你態度好少少，講句唔好意思，我諗我哋平日都會食少少就埋單走）搞到我好好脾氣嘅老公都好嬲，話想轉過另一樣，點知職員好大反應話：「得，你咪轉！」然後又轉身走，態度極差。
最後轉要個pizza ，女職員用更無禮貌嘅態度：「又話轉俾個小朋友？呢個pizza 係我哋全店最辣架bo ，話聲你聽咋」 到呢一刻，佢仲可以用咁嘅態度同客人講野。
個pizza 黎到時明顯辣醬落得俾平日重手好多，而等pizza 其間，果個女職員仲帶多另一職員在我們附近指指點點，講完一輪個男經理眼神非常唔友善咁仇視住我哋，咩事？？ 真係要black list 加唔會再黎呢間分店。
張貼