影片
更多
2021-09-11
1221 瀏覽
呢間位於灣仔廈門街既日式餃子專門店係日本大阪既過江龍🐉，平日lunch time總係大排長龍👭🏻👭🏻，難免令人好奇到底有幾吸引🧐 呢日就同同事排隊等左大約10分鐘，入到去發現店內既格局好日式🇯🇵，瞬間令人好懷念係日本吃吃喝喝既歡樂時光😢.餃子店原來係有兩層，當日我地被安排坐到樓上雅座💁🏻♀️，二樓係個有四張4人檯同一組員工儲物櫃既密室(有部冷氣既😆)，感覺其實比較似係員工休息室🤨 而我地都一致認為雖然呢度既空間較樓下寬敞，但係就幾有廢墟感😂.呢度平日上午11:45至下午5點都會供應lunch set，最基本既會包左3選1既前菜、餃子🥟、主食🍛同飲品(汽水🥤/茶🍵)，價錢取決於客人所揀選既主食，最平既68蚊就有交易，最貴個款就88蚊(未計加一)餃子有4個選擇，基本既包左8件佢地既名物Chao Chao一口餃子🥟，覺得唔夠食既可以加12蚊轉做12件😈，又或者係加錢轉做5件野菜豚肉餃子🐷($5)或係海老餃子🦐($10)，整體黎講彈性幾大，係豐儉由人既一餐🙆🏻♀️******************************🍴自家制香辣青瓜漬🌶🥒青瓜爽脆，辣味🌶既後勁都幾犀利，d辣會係喉嚨湧上黎
呢間位於灣仔廈門街既日式餃子專門店係日本大阪既過江龍🐉，平日lunch time總係大排長龍👭🏻👭🏻，難免令人好奇到底有幾吸引🧐 呢日就同同事排隊等左大約10分鐘，入到去發現店內既格局好日式🇯🇵，瞬間令人好懷念係日本吃吃喝喝既歡樂時光😢
.
餃子店原來係有兩層，當日我地被安排坐到樓上雅座💁🏻♀️，二樓係個有四張4人檯同一組員工儲物櫃既密室(有部冷氣既😆)，感覺其實比較似係員工休息室🤨 而我地都一致認為雖然呢度既空間較樓下寬敞，但係就幾有廢墟感😂
.
呢度平日上午11:45至下午5點都會供應lunch set，最基本既會包左3選1既前菜、餃子🥟、主食🍛同飲品(汽水🥤/茶🍵)，價錢取決於客人所揀選既主食，最平既68蚊就有交易，最貴個款就88蚊(未計加一)
餃子有4個選擇，基本既包左8件佢地既名物Chao Chao一口餃子🥟，覺得唔夠食既可以加12蚊轉做12件😈，又或者係加錢轉做5件野菜豚肉餃子🐷($5)或係海老餃子🦐($10)，整體黎講彈性幾大，係豐儉由人既一餐🙆🏻♀️
******************************
🍴自家制香辣青瓜漬🌶🥒
青瓜爽脆，辣味🌶既後勁都幾犀利，d辣會係喉嚨湧上黎🥵食得辣既同事對於呢客青瓜漬既辣度表示滿意🙊
-
🍴涼拌芽菜
芽菜冰冰涼涼❄️帶芝麻香，不過就略嫌偏鹹😥
-
🍴鹽麴新鮮椰菜
美其名新鮮椰菜其實就係生椰菜淋上鹽麴既汁🤭
椰菜口感爽脆帶鹹鮮，食落都幾過口癮既👌🏻
-
🍴Chao Chao一口餃子🥟
根據menu所見，呢款名物有3大特色：1️⃣脆薄多餡，皮餡比例2:8 可以令多餘既油分溢出出但保留返餡料既味道；2️⃣由人手每日包製🤲🏻，3️⃣所使用嘅肉類同蔬菜都係嚴選出黎✨
Menu亦圖文並茂教大家用兩隻碟分別盛載餃子豉油同味噌醬，食得辣既朋友可以加埋辣醬🌶落去豉油度，之後先食一啖原汁原味既餃子，再蘸上兩款唔同既醬汁✌🏻
經我地試味之後，餃子豉油偏鹹得黎帶酸；味噌醬既味道有d似中式豆瓣醬，而辣醬既味道亦同樣偏鹹，完全唔似係辣醬😓
至於餃子係一排8件咁煎，每件大小就真係只得一口，底部稍脆但兩邊餃子皮只有對摺並無封口，所以食落無乜肉汁，大概呢個就係佢地所強調既特色(1️⃣)吧😑
另外，由於餃子係一件貼一件，加上餃子皮較薄，用筷子🥢撕扯落黎既時候好容易就撕爛埋旁邊個件，坦白說本人真係唔多欣賞呢款特色餃子🤦🏻♀️
-
✨牛筋豆腐煮配日本白飯🍛 ($72)
係日本當地唔同地方食過幾次牛筋煮都好出色，煮得夠腍之餘就連魔芋都好入味，所以當見到呢度有牛筋豆腐煮都抱有期待🤩
可惜既係呢度既牛筋完全唔係我想像中既個回事，牛筋不但無筋仲要係煮過頭既牛肉粒，口感偏乾柴🥴加埋佢個醬汁食落甜甜地鹹鹹地又辣辣地，真係百味交雜😂
至於碗白飯🍚雖然係粒粒飽滿既珍珠米，但係口感就偏乾，試過一次就算😓
-
✨咖喱炸雞蛋包飯🍛 ($82)
呢度既蛋包飯原來係將雞蛋皮蓋於白飯🍚之上而唔係包覆住d白飯，真係顛覆左我地對蛋包飯既認知😂
炸雞🐔外皮香脆唔會好厚炸粉，肉質多汁夠大件，不過個咖哩就只有色水，質感比較稀無正宗日式咖喱個種濃稠感，味道亦偏淡，大概只適合d想食咖哩又唔想要重口味既朋友…..😶
-
✨日本照燒鰻魚飯🍛 ($88)
鰻魚肉質幼嫩食落似係真正既鰻魚而唔係橡膠口感既個種，可惜個鰻魚汁就有d鹹，勉強合格✔️
-
🍴綠茶 (凍)
綠茶可以揀熱/凍，味道似麥茶多過綠茶，不過不失🤔
******************************👧🏻人均消費：$80 (另+10%服務費)
😋味道指數：3/5
💰抵食指數：3/5
🪑環境指數：3/5
💁🏻♀️服務指數：3/5
👍🏻再訪指數：3/5
-
📍餃餃餃子
地址：灣仔廈門街31號地下
⏰營業時間：08:00–19:00 (Mon–Fri)；
08:00–20:00 (Sat–Sun)
張貼
