影片
更多
2017-07-22
162 瀏覽
幾個月前來過餐廳，覺得呢度環境舒適，食物ok，雖然係自助形式，但係員工都好有禮貌，可惜今次到訪，感覺已經完全唔同晒。今次同上次叫既野都好類似，叫左一份jumbo all day breakfast, 一份carbonara 同埋兩杯飲品。All day breakfast 食材豐富，份量十足，賣相都相當吸引，唯一美中不足既係茄汁豆無整熱同煙肉過乾，有改進空間。Carbonara 醬汁ok，可惜配料唔夠，份量唔係太多，男仕可能會唔夠食。飲品分別叫左香橙mocha 同埋hazelnut latte, 前者味道非常特別，飲落有好香既橙味。滿心歡喜諗住加個甜品湊夠350 蚊可以送個心太軟，一名較驕小既短髮女職員話「最好唔好分開兩張單」，咁即係得唔得呢？再問之際，得到既回答係「咁樣唔係太好」，都仲未回答到我既問題，於是我地問個睇落比較高級，束啡色中長髮較瘦既女職員，終於得到非常冷淡既回應：「唔得」。其實成日周圍食既我，好明白餐廳做生意有一定既規矩，但都好希望店方可以寫得清楚d, 如上圖所見，並沒有列明唔可以分單，亦無話條款及細則約束，而係自助形式既餐廳，叫完main course 先叫甜品，個人
今次同上次叫既野都好類似，叫左一份jumbo all day breakfast, 一份carbonara 同埋兩杯飲品。
All day breakfast 食材豐富，份量十足，賣相都相當吸引，唯一美中不足既係茄汁豆無整熱同煙肉過乾，有改進空間。
Carbonara 醬汁ok，可惜配料唔夠，份量唔係太多，男仕可能會唔夠食。
飲品分別叫左香橙mocha 同埋hazelnut latte, 前者味道非常特別，飲落有好香既橙味。
滿心歡喜諗住加個甜品湊夠350 蚊可以送個心太軟，一名較驕小既短髮女職員話「最好唔好分開兩張單」，咁即係得唔得呢？再問之際，得到既回答係「咁樣唔係太好」，都仲未回答到我既問題，於是我地問個睇落比較高級，束啡色中長髮較瘦既女職員，終於得到非常冷淡既回應：「唔得」。其實成日周圍食既我，好明白餐廳做生意有一定既規矩，但都好希望店方可以寫得清楚d, 如上圖所見，並沒有列明唔可以分單，亦無話條款及細則約束，而係自助形式既餐廳，叫完main course 先叫甜品，個人應為係正常不過既一回事。再者，當客人向店方提出疑問時，為何要答到含糊不清呢？何謂「最好唔好」呢？「咁樣唔係太好」又即係咩意思？係， 我明白呢度「不設服務」，店方亦都講明「有錢係大晒，但唔好大我」，但我覺得都不至於要黑口黑面呀！
原本好地地既晚餐，俾呢d不知所謂既服務大大影響我既心情，雖然今次收到coupon 下次光顧有免費咖啡一杯，但睇怕我以後都唔會考慮再黎啦。
張貼
