Mayse Artisan Bakery

營業中

休息中

在大尾督眾多食肆中，朋友介紹食呢間，如果唔係朋友試過，真係未必留意到佢。無諗過以素菜做主打嘅麵包烘焙會幾好味，兩個大人，一個小朋友，點了一個Truffle Love Pizza，及Caprese Panini，份量啱啱好。🍕Truffle Love Pizza $130黑松露好香，搭配純素芝士及磨菇，味道幾夾，當然味道同含肉pizza相比，係無咁濃香，但只要唔係食肉獸，其實呢個Pizza都算幾ok，夾埋灑喺面嘅火箭菜一齊食，味道幾清新。不過餅底一如傳統pizza，只有薄批，放耐左，餅邊會有點硬，一定襯熱食。🥪Caprese Panini $55同樣嘅純素芝士，夾喺麵包裡面，加埋鮮蕃茄一齊食，味道幾搶，半溶狀態嘅芝士味道好突出 。整體唔可以話非常十分好食，但自家烘焙嘅麵包、pizza餅底，係口感唔錯，及有麥香; 加上純素芝士及其他素食配搭係坊間幾少有嘅，係喜歡素食人士唔錯嘅選擇。