春水堂 (新都會廣場)

營業中

休息中

食晚餐時間周圍都多人，經過呢間價錢都幾抵食，一於試吓。見到牛肉麵要$90碗好貴，$50 $60嘅撈麵又覺得冇乜餸唔係好抵，一於叫幾樣細嘅小食同第二個朋友一齊share。叫左肉燥菜 ，牛肚，細碗滷肉飯，蛋，蒜泥白肉，湯同紅豆奶茶。✨✨肉燥菜就屬於最難食，明明係灼菜，但係竟然係辣嘅，應該加咗好多薑；牛肚都炆得幾入味，蒜泥白肉唔辣，唔似四川嗰種；滷肉飯同蛋就正常發揮，加啲餸一齊食都OK；燉湯都幾足料，但就要等耐少少；紅豆奶茶冰嘅成份比較多，唔係好飲都有奶茶味，奶味就有少少，紅豆應該淨係杯面嗰一羹紅豆。如果人均$150有其他更好選擇。