古城餛飩

營業中

休息中

第一次去食，喺啱啱開張無耐，好不容易有位，叫完個麵餐，等咗15分鐘，諗住太多人，費事催佢，但去到差唔多半個鐘，真係要問吓佢，佢先話漏咗單，lunch hour就係得一個鐘，最後食物嚟到，我得番5分鐘食。但有感食物味道唔錯，所以去食第二次。第二次，叫咗個乾拌餛飩13隻，今次冇乜人，唔使等好耐，嚟到見到得10隻，我就問阿姐，阿姐話：「係咩，你叫13隻咩，冇㗎喇，得3隻唔會幫你煮。」，服務態度一流，漏單落錯單只會係你錯唔會係佢錯。事不過三，錯判咗覺得可以俾第三次機會。今日第三次去，坐低就叫個肉絲拌麵，阿姐問我係咪要麵餐，我話淨喺要麵。吸收咗上次教訓，張單一嚟我即check，發現佢落咗麵餐，我同阿姐講我淨係要麵，唔係麵餐，換嚟劈頭一句：「頭先咪問你係咪要麵餐囉。」。其實出錯唔緊要，lunch hour忙中有錯好正常，但你錯仲要聲大夾惡，恕我真係食唔落。依間鋪食物質素係唔錯，但真係未高到去，要我貼錢買難受。