龍鳳號 (裝修中)

店舖位置好寬敞，但坐得唔係好舒服因為佢嘅櫈係木凳。但係上餐時間好快，食物嘅份量基本上都好足夠。必推介佢哋嘅滷水拼盤，唔係好食內臟嘅我一食豬大腸都覺得好有驚喜。但係飲品就真係覺得一般，價錢偏貴而且味道一般。整體感覺都係屬一般嘅台灣菜，除咗滷水拼盤好有驚喜，其他菜式我都覺得係正常味道。餐廳嘅位置都唔難，搵喺大商場入面。不過商場入邊嘅人流唔係好多而且餐廳數目多，所以可能呢間就比較僻靜。如果喺附近返工我覺得間唔中都可以食下，唔係嘅話我覺得食一次就夠。