南小館 (青衣城2) (已結業)

雖然平日都有留意'南小館' 呢個大名，但一直未有機會去試。今次由友人介紹，終於的起心肝去試一下。平日既夜晚唔算太多人，7點幾8點攞飛都係等咗15分鐘左右有位。餐廳環境都幾優雅清靜，同埋燈光很適合，不會太光或太暗。由於我同友人太耐無見，一坐低就掛住傾計hahaha, 結果好多餸菜都冇'相機食先'!有點可惜。首先叫了南小館四小拼，口水雞同花雕雞味道一般，未夠入味。反而糖醋排骨酸酸甜甜1十分開胃！仲有出名嘅小籠包，多汁而且皮薄，比意料中好味。跟住叫了牛肉炒米粉，牛肉份量都算多，但味道火喉不夠。最後當然少不了甜品，見到隔離枱嘅甜品賣相好吸引所以我哋先想試一試。芒果布丁略甜，茉莉花茶凍味道很清甜。其餘的糕點不過不失。