麻辣風雲 (已改名) 查看

朋友話想試下呢間既酸菜魚，搵左旺角分店食。呢個菊花蜜用黎打卡一流，但我就覺得太甜。雞絲粉皮d醬太少，味道普普通通。炸饅頭又係打卡之選，味道當然都係普通炸饅頭咁，都熱同脆既！酸菜炒肥腸，肥腸份量都算多，但味道偏淡。酸菜魚就不過不失，但我覺得出面某間酸菜魚更好食🤣🤣🤣呢個咕嚕肉份量比較少，但味道幾好，都推介大家食👍👍👍豬油撈飯朋友話想食，我就冇乜興趣啦🫣🫣香辣蠔都算大隻，幾好食，味道都好夠，蠔唔會腥👍👍👍辣子雞冇乜肉，切到好細舊，唔係咁鐘意，但應該出面食呢道菜都係咁。蛋白炒飯普普通通，但都炒得粒粒分明，清清地咁食都唔錯。火山排骨，呢碟野真係好誇張，但本人就本身唔係咁鐘意食排骨，朋友話覺得似食緊湯渣🤣呢個擔擔麵d麵煮得太淋，味道就ok。