水晶晶泰國餐廳 (已搬遷) 新店位置

早幾日係荃灣行完山就順便入埋去食野，見好耐冇食過泰國野就入左去呢間水晶晶試下。入面環境金碧輝煌，佈置得真係有係泰國既餐廳食野既感覺，呢樣野係好多泰國餐廳做唔到既。 入到去叫左條湯烏頭、金邊粉、炒菜同埋牛仔骨。條烏頭d配料都幾足，不過就略嫌個碟太細，變相令到d配料好難浸到落d湯度令到佢比較難熟。 金邊粉炒得幾入味，雖然得兩隻蝦但係兩隻蝦都炸得好香口好好食。泰式炒菜唔會太咸岩岩好，就算係唔鍾意食菜既人都會好易入口。 最後個牛仔骨係最好食既一碟，配料同牛仔骨都整得甜甜地好易入口，不過有幾舊肉就un左小小，不過整體黎講都係好高質。