八千代麵坊 (已結業)

想在中、上環搵日本拉麵，在OP睇到呢度口碑都唔錯，於是今晚放工來一試。一坐低，就有一客免費餐前小吃，係筍同青菜，幾好味，有驚喜！因我喜歡鹽味拉麵，同時又係此店的熱門選擇，當然要一試。一於來兩客鹽味拉麵。呢度所有麵都係豬骨湯底，如果要醬油味就加醬油，要味噌就君味噌。豬骨湯，有豬骨味但不太濃; 麵本身夠彈牙，合我意; 义燒不夠淋且偏鹹; 糖心蛋就好好味。整體來講係一碗不過不失的日式拉麵。