和味館 (已結業)

食過三四次..都唔係話好差..再差既都有。呢次我係星期五 5點半食，所以要俾每人 $10 附加費，埋單個陣每都要$148。可能因為多人既關係，而且有其他客人BOOK左位，所以我食左個半鐘２佢就立即要我LAST ORDER，夠２小時立即叫我地走。就算未食晒佢都唔理你。＊食物　食物種類都算多，但刺身比之前少左，可能因為日本冇貨。　刺身都新鮮，而且無雪味。　但點左既食物，成日都會上少左！！　有D點左２－３次佢先上俾我，我就當佢好忙，算啦。＊環境　環境唔差，幾靚。　唯行人通道只可容納一人行，對面有人行埋黎都唔會行得到。　再講，由於地方都唔太大，所以帶袋既都幾唔方便。　店內有洗手間，但我冇去到。＊服務員　服務員態度一般。我唔駛你笑到４萬咁口對住我，但都唔好死老豆咁樣丫。　叫佢幫我落單，成日都唔記得！！＊其他　－　訂位服務　　　有訂位服務，所以等候既時間都唔會話好耐。等待時間都視乎你咩時間食。　　　我同朋友食都係５點半，所以唔駛等就可以入坐。　　　我都試過冇BOOK位就walk in，佢都同我講冇晒位。　－　生日蛋糕服務　　　呢個服務需要訂位，而且要夠一定人數。　　　　　　我試一次，蛋糕一般。