巧興麵食店

營業中

休息中

馬頭圍寶馬車行斜對面，原本有間味道唔錯嘅擔擔麵，依家起地鐵，店鋪門口變成地盤，結果關門大吉無左，但突然又想食擔擔麵，於是乎試下哩間巧興。吸引我幫襯其中一個原因係因為門口有枱可以食煙！叫左客排骨擔擔麵，首先湯底唔係熱，係暖！有花生味但講唔上好濃，擔擔麵配料用嘅係榨菜唔係豬肉，亦都唔係我杯茶，排骨入味出色，夠肉汁，至於擔擔麵嘅麵質，口感偏冧身，如果唔係咁冧，相信更啱自己口味！另外由麵至排骨份量都偏細。總結：如果湯底夠熱唔係咁凍而影響哂成碗麵的話，相信我會俾更高分！希望下次幫襯時湯底夠熱啦！