農耕記 湖南土菜 (嘉威大廈)

本來見農耕記係內地咁出名，經過北角試一試。結果中曬伏。1）d服務員全部講普通話，唔單止唔識講廣東話咁簡單，係連聽都都唔識聽！然後做野完全唔smart，問侍應問題，佢話自己好耐冇返工，唔清楚，但冇叫另一位同事幫我地，只係識企起隔離？2） 入左去後見到佢寫住登記會員有50蚊coupon，點知搞完一輪登記，原來要聽日先開始可以用，真係攞黎搞。3） 學內地個套，比5分review可以送檸檬茶，但個檸檬茶一飲就係科技水，唔係人地既手打檸檬茶。4） 個白飯同西蘭花送上黎係唔熱既。（我地食到最後隔離坐左一臺，見到人地d飯係出煙既）5） 白飯同西蘭花上先，跟住等左20分鐘先上半隻燒雞，半個鐘先上到辣椒炒肉，等到傻。（但現場睇人唔係多）6）明明叫左少油，但d油都仲係多到油浸肉咁。份量亦偏少。鮑魚炒肉，但d鮑魚仲細粒過螺肉。7） 食到尾，唔知點解個胃有d痛（同行友人冇事），最後冇食曬就走左。性價比十分低，同我之前食過的湖南餐廳差好多，我唔會再黎食。