影片
更多
2014-08-02
2455 瀏覽
今日搭好耐無坐嘅叮叮去銅鑼灣，差唔多到SoXo時見到南翔饅頭店，公主我就突然好想食小籠包。唔好諗，一於就落車去食啦。行到去門口，都係11點幾，人地啱啱開舖我地一行三人就入去喇坐低睇下menu，嘩！乜得啲小籠包咁貴嘅？因為公主食開翡X嘅小籠包，又平又好食。不過話晒南翔係車胎人推介，應該唔錯嘅～所以照食啦！睇晒menu，於是叫咗5樣嘢最先到嘅係孜然羊肉。同我預期嘅唔同，我同媽媽都以為係蒙古式，較乾身嘅烤羊肉。但原來係濕炒，類似京葱爆羊肉再加上孜然味。唔算油，不過羊肉有點硬，孜然味唔太突出，羊味都比較淡。如有下次可以不點。咸肉菜粒炒飯啲飯勁硬咸肉好細粒，亦無香味。呢個完全唔好食，唔推介。呢個鍋塌豆腐真係好正，係媽媽少有嘅推介，係真心好食。外面嘅皮好似玉子豆腐煎過後嘅皮，好薄又唔膩，裏面嘅豆腐好滑，如果再重啲豆香味就好。嘛～世事無兩全其美嘅，不過配埋上面嘅芫莤一齊食真係好正。我地叫咗6隻小籠包，每人兩隻。（menu得4隻，個經理好醒咁叫我地order 6隻，可以平均share，抵讚！）公主我食小籠包食得好刁鑽㗎：先夾起然後咬開頂部，嗯，個頂比起翡X嘅厚，不過唔硬同係熟嘅，而且聽講上海正宗嘅都係
行到去門口，都係11點幾，人地啱啱開舖我地一行三人就入去喇
坐低睇下menu，嘩！乜得啲小籠包咁貴嘅？因為公主食開翡X嘅小籠包，又平又好食。不過話晒南翔係車胎人推介，應該唔錯嘅～所以照食啦！
睇晒menu，於是叫咗5樣嘢
最先到嘅係孜然羊肉。
同我預期嘅唔同，我同媽媽都以為係蒙古式，較乾身嘅烤羊肉。但原來係濕炒，類似京葱爆羊肉再加上孜然味。唔算油，不過羊肉有點硬，孜然味唔太突出，羊味都比較淡。如有下次可以不點。
咸肉菜粒炒飯啲飯勁硬咸肉好細粒，亦無香味。呢個完全唔好食，唔推介。
呢個鍋塌豆腐真係好正，係媽媽少有嘅推介，係真心好食。外面嘅皮好似玉子豆腐煎過後嘅皮，好薄又唔膩，裏面嘅豆腐好滑，如果再重啲豆香味就好。嘛～世事無兩全其美嘅，不過配埋上面嘅芫莤一齊食真係好正。
我地叫咗6隻小籠包，每人兩隻。（menu得4隻，個經理好醒咁叫我地order 6隻，可以平均share，抵讚！）
公主我食小籠包食得好刁鑽㗎：先夾起然後咬開頂部，嗯，個頂比起翡X嘅厚，不過唔硬同係熟嘅，而且聽講上海正宗嘅都係厚頂，所以ok啦。之後再飲入面嘅湯汁，湯汁多同埋好清甜，唔會又油又有臭豬肉味。最後就係倒黑醋入去個湯包入面，一啖放晒落口食，肉質鬆軟唔會死實，不過肉味唔濃，而較厚嘅外皮有朕麵粉香味。公主我覺得同翡X比，南翔係個素顔少女，水潤清淡；而翡X則係個濃妝美人，香氣四溢，各有千秋。（呢個人響度扮文青！）
最後響甜品果版揀咗個椒鹽腰果酥。如果唔要求椒鹽腰果酥係要有椒鹽味加腰果味，同埋面頭嘅黑芝麻有芝麻味，齋食個酥係相當鬆化好食。
公主我覺得整體呢講唔算超級好食，但小籠包都可以一試。最搞笑係我地就嚟食完，佢見開始多人先開行冷氣，想凍死公主我咩？
p.s. 個玫瑰花茶幾好飲㗎，記得試呀！
張貼
