維港灣餃子坊

營業中

休息中

朋友入開黎元朗，行街行到攰，諗住搵啲平平地既地方入去坐下食下野。行到見呢間有幾多選擇，又唔貴，就入左去啦！本身想試三重芝士餃子，但係見到更加吸引既黑松露鮮肉餃，所以就轉左黑松露鮮肉餃配韭菜餃，另外仲叫左個手拍青瓜同牛𦟌試試。首先係黑松露餃，都食到黑松露既香味，不過會期望佢再落多啲！韭菜餃都ok啦！正正常常同埋食得出無乜味精。由於呢個set係跟左標明無味精是日靚湯，咁今日既湯係木瓜雪耳，都ok唔錯既，幾有木瓜味，就算無寫咩湯都飲得出！牛𦟌就差少少，比較乾。手拍青瓜個汁調得好味！野飲方面比較少選擇，但係全部都唔貴。我就揀左自家製銀菊露，好飲唔太甜。