尚夢・茳煳 (已結業)

收工見到呢間名字好特別嘅餐廳，主打新派精品中菜，就同朋友去試下！花膠海參蝦米濃湯雜菜原煲上，一打開已經香氣撲鼻！鋪滿唔同種類嘅蔬菜，包括:西蘭花、白菜仔及菜心，中間則放咗花膠、海參、菇類及蝦米，色彩繽紛，非常豐富！高湯湯底好濃郁，食材吸收晒湯底嘅鮮味，食落好鮮甜！健康又好味嘅一道菜！鹽燒野生黃魚燒到香脆，連骨都可以食！灑上孜然粉，好香口，如果配酒一定好夾！欖菜欖角上肉排份量頗多，肉排好腍，啖啖肉，配欖菜鹹甜有致，好送飯！