翡翠潮人潮食 (已結業)

午餐諗唔到去邊食，行過呢間鋪時店員落力介紹店內食物，於是就入去試下。星期六午市都仲有58蚊套餐，真係幾抵食: 有咕嚕肉、魚香茄子等約20種套餐任揀，選擇都幾多，結果都係選自己鍾意食嘅粟米魚塊，包一杯飲品同白飯。當然吸引我入去食係因為有十幾款左右嘅點心食，我叫咗蝦餃、燒賣、鹹水角，蝦餃基本水準; 燒賣雖然細粒咗D，但係好味; 特別推介鹹水角，因為裏面好足料，不太膩。侍應仲不停為我加茶，服務週到。