金記客棧 (已結業)

放假同朋友入數碼港睇戲，睇完戲天都黑唒，就建議不如食埋晚飯先出返去。餐廳就係戲院隔離，好方便。蜜汁叉燒 - 佢上碟已經好有心咁用蠟燭㷫住啲叉燒，可以慢慢品嚐。叉燒質感好嫩口，味道都好好，鹹甜適中。粟米魚塊 - 佢地唔係炸魚塊係煎魚塊，所以健康啲。魚塊都好大塊，魚肉都好實淨。粟米汁都ok，汁都好足夠，撈飯一流。海鮮粉絲雜菜煲 - 材料都好足，有蝦、魷魚、青口、蟹柳同菜。味道清清地，冇咩味精。整體而言，環境同服務都唔錯，食物有家常便飯的感覺。