名川麵棧 (已結業)

瞓到中午先起身，即刻打俾住附近嘅朋友仔約佢食個brunch先😆行經呢間餐廳，朋友話好耐之前食過覺得ok，反正我未食過，就決定喺呢度醫肚！🍛三重芝士牛肉丼 + 太陽蛋（$50 + $5）三重芝士有芝士粉、芝士碎及原塊芝士，真係芝味十足🧀牛肉則肥瘦匀稱，份量都唔少，再配埋太陽蛋及醬汁一齊食，真係好惹味，本身係芝士控嘅朋友覺得幾好食😋🍜豚肉片、豬軟骨、煎蛋芝士蕃茄湯公仔麵（$55）豚肉片都幾彈牙，豬軟骨炆得又腍又入味，最鍾意個蕃茄湯底，蕃茄味好濃，酸酸地咁好醒胃，感覺似用鮮蕃茄熬製，確係唔錯👍🏻🧋凍咖啡（跟餐+$3）我倆都不約而同點咗凍咖啡提提神，咖啡無乜特別，幾好飲又唔太甜，屬茶餐廳正常水準😆