影片
更多
2021-01-16
452 瀏覽
雖然個名叫藍屋，不過佢一啲都唔藍，係好黃ga! 餐廳裝修簡約，以藍白色為主調。今日我地坐個個位咁岩就望住部電視，佢個電視會不斷播住教人煮野食嘅video，令你係等食嘅時候更加肚餓XD。佢主食嘅價格普遍比一般餐廳為低，質數就相當之好，絕對係性格比極高，非常高質。自家牛肉濃汁滑蛋飯 (烤雞)滑蛋同烤雞扒都相當大塊，完全cum過曬成個飯，男仔食都一定夠飽。烤雞香口得黎完全冇話烤到好鞋，牛肉濃汁雖然欠缺左少少牛肉味，不過個味都幾襯個滑蛋同幾好送飯，個味有啲似平時食扒餐嘅時候個個洋蔥汁。蜆肉蟹棒明太子牛乳意粉意粉煮得岩岩好，軟硬度適中。個汁好creamy，明太子味亦都相當濃郁。自家製焗釀芝士醬烤竹輪卷呢個小食無論味道同賣相都非常似平時食嘅個d章魚小丸子，醬汁亦都係日式燒汁，佢嘅面頭都係鋪滿左木魚碎同和風紫菜。最特別嘅地方係成個竹輪中間都釀滿左濃厚嘅芝士，由頭到尾都係啖啖濃旭嘅芝士味，正呀XD。不過個汁就略嫌有少少偏咸。人均消費：$90推介指數（10分為滿分）：8.5分
自家牛肉濃汁滑蛋飯 (烤雞)
滑蛋同烤雞扒都相當大塊，完全cum過曬成個飯，男仔食都一定夠飽。烤雞香口得黎完全冇話烤到好鞋，牛肉濃汁雖然欠缺左少少牛肉味，不過個味都幾襯個滑蛋同幾好送飯，個味有啲似平時食扒餐嘅時候個個洋蔥汁。
蜆肉蟹棒明太子牛乳意粉
意粉煮得岩岩好，軟硬度適中。個汁好creamy，明太子味亦都相當濃郁。
自家製焗釀芝士醬烤竹輪卷
呢個小食無論味道同賣相都非常似平時食嘅個d章魚小丸子，醬汁亦都係日式燒汁，佢嘅面頭都係鋪滿左木魚碎同和風紫菜。最特別嘅地方係成個竹輪中間都釀滿左濃厚嘅芝士，由頭到尾都係啖啖濃旭嘅芝士味，正呀XD。不過個汁就略嫌有少少偏咸。
人均消費：$90
推介指數（10分為滿分）：8.5分
張貼
