品越越式料理 (雅蘭中心) (已結業)

是日係 mk 睇完中醫，餓到一個點既時候我係唔會諗到任何野，但係又要戒口，於是求其見到越南野諗住有粉麵就可以就衝左上去食🙈 話哂係連鎖店，質素都 ok 既。生牛肉河份量唔少架，唔孤寒😆 鍾意食生牛肉係因為要幾成熟都可以自己決定，個人一向茹毛飲血，好少餐廳敢煮咁生上枱，自己黎就最 perfect 😌佢仲好慷慨咁俾一大籃洋蔥九層塔你自己加~ 海鮮蛋包麵唔錯，雖然係炒金邊粉加蛋咁，但甜甜地又有🍤，好足料❤️ 燒豬頸肉略為鹹左少少，同埋串燒無理由唔點下沙嗲汁既，但點完就鹹令我好難取捨😅 軟殼蟹米紙卷還好，材料都豐富既，芒果夠甜，只係擺左一陣之後放入口有少少濕得滯既感覺。